甘味讚岐手打烏冬

儲埋儲埋一堆周圍食的相片, 有時間出一些近期的給大家看

沙田新城市食市十分之多, 但好食既一隻手可能已經可以數完, 這一間新開的甘味讚岐手打烏冬算是較為ok的一間食市之一

朋友的手打烏冬連壽司:
朋友一共叫了2碗烏冬, 第一碗烏冬麵質黏黏的, 怪怪的, 好像麵粉未熟透的感覺, 第三碗正常, 我個碗也正常, 3分之一chance?

依個壽司要讚下, 咁平既價錢(6x蚊+烏冬), d魚生都新鮮好食(蝦唔得) , 件加洲卷幾好食,唔錯!

我叫左碗冷門既素食豆漿烏冬......=_="($3x大元)
真是沒誠意之作, d材料我有理由懷疑佢未曾煮過, 只是飛一飛水就放落豌, d蘿蔔絲比我見到批得唔乾淨, 重有表面個層泥, 真是要好好反省下, 成碗野不合格

對得住個價錢的天婦羅, 都ok唔錯, 不過隻蝦如同上圖壽司一樣, 不新鮮

由於個價錢真在ok抵食, 所以都重可以再食, 下次試下佢d蕃茄牛肉烏冬, 睇下如何?(無計喇....新城市真係無野食, 成日食連鎖店食到悶)